今日經歷嘅嘢真係幾曲折～第一次設計戒指後，亦係第一次自己揀包裝工具，同時係第一次自己包裝～突發事件多到個心離一離～例如個廠話寄咗過嚟原來冇寄，等咗好長時間廠嘅人話揸幾個鐘頭車嚟又去錯地方，交收完又發現佢哋俾少咗貨，而且最後嘅成品同模具仲有d唔同⋯⋯天啊！崩潰咗！最弊就係鐘意親力親為，又唔鐘意失禮街坊嘅性格，攪到好鬼緊張！但其實⋯⋯一切真係最好嘅安排～雖然有d波折，又令到我有d憤世嫉俗，但係而家戒指嘅稜角少咗，簿身咗d，的確係帶得舒服咗，身邊嘅朋友試帶之後更加鐘意新版～女仔話手指望落仲幼咗，男仔話帶得仲舒服，咁我唯有接受呢個現實，唔拎去再改喇～戒指都係要戴得舒服先至會長帶！你話係咪？！😂